«Heimalanne'» er samansett av rutinerte musikarar med lang fartstid i ulike grupper. Forutan ein fast kjerne, vert gruppa ofte utvida med ein eller fleire musikarar, alt etter kva som høver i ulike samanhangar. Dei faste medlemane i «Heimalanne'» er:

• Arne Bøe (vokal, gitar).
• Dag Atle Håland (gitar, mandolin, vokal).
• Skjalg Kaspersen (bass, vokal).
• Gunnar Bergstrøm (trommer).
• Bucky Aasheim (gitar, vokal).

I tillegg til desse er mellom anna Inge Glambek (mandolin, banjo, gitar, vokal) Kjell Madsen (bass), Egil Skjelnes (steel guitar), Dag Wolf (steel guitar), Gunnar Bjelland (piano, orgel), Øystein Fosshagen (fele) og Yvonne Algrøy (vokal) tilknytt «Heimalanne'», både som studio- og konsertmusikarar.

Det er i hovudsak Arne som skriv låtmaterialet til Heimalanne', men Bucky har og etterkvart ytt betydelige bidrag til gruppa sitt repertoar og til låtmateriale til CD-innspelingar.

Fleire og fleire har fått auge og øyrer opp for denne gruppa, som etterkvart har markert seg som eit framifrå liveband der publikum både lyttar til tekstane og let seg rive med av fengande melodiar og rytmar. Høg allsangfaktor er vanleg på Heimalanne’ sine live­opptredenar – fans’en har for lengst lært seg tekstane til gruppa sine mange populære songar. Dette er ei gruppe du absolutt bør få med deg når høvet byr seg, for denne gjengen vil du garantert setja pris på! 

Les meir